4.2 ბაზის დაცვა
პაროლის დადება
Access 2007-ში პაროლის დადებით ერთდროულად ხორციელდება ბაზის შიფრაცია. პაროლის დასადებად:
1. გააღეთ მონაცემების ბაზა Open Exclusive-ს რეჟიმში. ამისთვის გაღების ბრძანების მიცემის შემდეგ გამოსულ ფანჯარაში ღილაკზე Open მარჯვნივ დაწკაპუნების შემდეგ გამოსულ სიაში დააწკაპუნეთ სტრიქონზე Open Exclusive;
2. გაღებული ბაზის ჩანართის Database Tools განყოფილებაში Database Tools დააწკაპუნეთ ღილაკზე Encrypt With Password. გამოვა ფანჯარა Set Database Password/სურ. 4.11/
სურ. 4.11. ფანჯარა ბაზისთვის პაროლის დასადებად
- ფანჯარაში Set Database Password ველში Password ჩაწერეთ პაროლი, ხოლო ველში Verify განმეორებით ჩაწერედ იგივე პაროლი. დააწკაპუნეთ ღილაკზე OK. OK ღილაკზე დაწკაპუნების შემდეგ მდგომარეობათა სტრიქონზე გამოვა შეტყობინება ბაზის შიფრაციის მიმდინარეობის შესახებ;
- დახურეთ მონაცემების ბაზა. ბაზის გაღებისას გამოვა ფანჯარა, რომელშიც ჩაწერეთ პაროლი და დააწკაპუნეთ ღილაკზე OK/სურ. 4.12/.
სურ. 4.12. ფანჯარა, რომლის ველში Enter database password პაროლის ჩაწერის შემდეგ ბაზა გაიღება
ბაზისთვის დადებული პაროლის მოხსნა
- გააღეთ ბაზა რეჟიმში Exclusive;
- გაღებული ბაზის ჩანართის Database Tools განყოფილებაში Database Tools დააწკაპუნეთ ღილაკზე Decrypt Database. გამოვა ფანჯარა Unset Database Password/სურ. 4.13/;
სურ.4.13. ფანჯარა პაროლის მოსახსნელად
- ფანჯრის Unset Database Password ველში Password ჩაწერეთ პაროლი და დააწკაპუნეთ ღილაკზე OK. Access მოხსნის პაროლს.
მონაცემთა ბაზის სერტიფიცირება
ბაზის გასავრცელებლად მონაცემთა ბაზის სერტიფიცირების მომზადების ეტაპია:
1. თქვენს მიერ შექმნილი პროგრამული პაკეტისათვის სათაურის და ხატულის მითითება;
2. ნავიგაციის პანელის გადამალვა;
3. მდგომარეობათა სტრიქონის გადამალვა;
4. მონაცემების ბაზის გაღებისთანავე ფორმის გამოტანა;
5. ბაზის გაყოფა;
6. Access Options-ის გადამალვა;
7. Office-ს მენიუში არსებული ღილაკების გადამალვა;
8. გაჩუმებით არსებული (სტანდარტული ინტერფეისის) გადამალვა;
9. სწრაფად შეღწევის პანელის გადამალვა;
ამ ოპერაციების შესრულება ხორციელდება ფანჯრის Access Options-ის ჩანართიდან Current Database/სურ.4.14/.
პროგრამული პაკეტისათვის სათაურის და ხატულის მითითება
- ველში Application Titles იწერება პროგრამული პაკეტის სახელი;
- ველში Application Icon ღილაკით Browse მიეთითება გრაფიკული ობიექტის მისამართი .icon გაფართოებით. ეს გრაფიკული ობიექტი გამოდის ხატულას როლში;
მდგომარეობათა სტრიქონის გადამალვა
- მოხსენით მონიშვნა ალამზე Display Status Bar
ნავიგაციის პანელის გადამალვა
- მოხსენით მონიშვნა ალამზე Display Navigation Pane
მონაცემების ბაზის გაღებისთანავე ფორმის გამოტანა
- ველში Display Form ჩაწერეთ ფორმის სახელი. იგი გამოტანილი იქნება ეკრანზე ბაზის გაღებისთანავე
სურ.4.15. საცნობარო ინფორმაციია შემცველი ფანჯარა, რომელიც გამოიტანება ბაზის გაღებისას
გაჩუმებით არსებული (სტანდარტული ინტერფეისის) გადამალვა
- მოხსენით მონიშვნა ალამზე Allow Full Menus (მენიუთა სრული კრებული. შეგიძლიათ შეზღუდოთ ან სრულად გამოიყენოთ Access-ის ინტერფეისი);
- მოხსენით მონიშვნა ალამზე Allow Default Shortcut Menus (კონტექსტური მენიუ გაჩუმებით. შეგიძლიათ შეზღუდოთ, ან სრულად გამოიყენოთ Access-ის მენიუთა სტრიქონების კონტექსტური მენიუ). თუ მოხსნილია მონიშვნა ალამზე, მაშინ შეუძლებელია: ფორმების, ცხრილების, შეკითხვების დაპროექტება, მოდიფიკაცია, წაშლა;
- მოხსენით მონიშვნა ალამზე Use Access Special Keys (სპეციალური კლავიშები) - თუ ალამი მონიშნული არ არის შეუძლებელია ე.წ. ”ცხელი” კლავიშებით სარგებლობა/ცხრ.4.1/.
სურ. 4.14. ჩანართი Current Database
პროექტის გაღებისას შეიძლება გამოტანილი იქნეს საცნობარო ინფორმაციის შემცველი ფორმა, რომელიც ეკრანზე გამოსვლის შემდეგ გარკვეული დროის გავლის შემდეგ გადაიმალება. ასეთი ფორმის შესამუშავებლად:
• შექმენით ახალი ფორმა;
• ფორმის თვისებებს მიანიჭეთ მნიშვნელობები: Scrollbars (გადაფურცვლის ზოლები) – Neitheir, Record Selectors (გამოყოფის უბანი) – No, Navigation Buttons (ჩანაწერებზე გადასვლის ღილაკები) – No, Auto Resize (ზომის ავტომატური ცვლილება) – Yes, Auto Center (ცენტრის მიმართ გასწორება) – Yes, Border Style (ჩარჩოს ტიპი) – None;
• ფორმის თვისებებს: Modal, PopUp მიუთითეთ მნიშვნელობა Yes. ამით ფორმა გახდება მოდალური და მცურავი;
• თქვენი შეხედულებისამებრ ფორმაზე დაიტანეთ სურათი, ტექსტი;
• ფორმის ტაიმერის მნიშვნელობაში Timer Interval ჩაწერეთ მილიწამების რაოდენობა (1წმ.=1000მილიწმ.), რა დროის გავლის შემდეგ ფორმა გადაიმალება ეკრანიდან;
• მოვლენის Timer დამუშავებაში ჩაწერეთ DoCmd.Close;
ამ წესებით შექმნილი ფორმა გამოჩნდება ეკრანზე და 3 წამის შემდეგ გადაიმალება (Timer Interval=3000)/სურ.4.15/
კლავიშების კომბინაცია
|
დანიშნულება
|
<Ctrl+Break>
|
მაკროსის ან კოდის შესრულების შეჩერება
|
<Shift> (ბაზის გაღებისას)
|
AutoExec მაკროსის გამოყენების აკრძალვა და StartUp თვისების გამოყენება
|
<Alt+F1>, <Alt+F11>
|
ამოცანათა პანელის გამოტანა, VBA რედაქტორის გაღება
|
F12
|
დიალოგური ფანჯრის Save As გამოტანა
|
< Shift+F12>
|
მონაცემების ბაზის ობიექტის შენახვა
|
< Ctrl+G>
|
პროგრამის გამართვის ფანჯრის გამოტანა
|
< Ctrl+F11>
|
მომხმარებლის ინსტრუმენტული პანელიდან სისტემის ინსტრუმენტულ პანელებზე გადასვლა და პირიქით
|
ამ ოპერაციების შესრულების შემდეგ შესაძლებელია მხოლოდ ბაზის დახურვის, გაღებისა და Access-ის დახურვის ღილაკებით სარგებლობა. გადამალულია: სწრაფი შეღწევის ინსტრუმენტული პანელი, სისტემაში გაჩუმებით არსებული ინტერფეისი. შეუძლებელია ობიექტების დაპროექტება და Access Options-ის ფანჯრით სარგებლობა.